ກອງພົນທີ 5 ຕ້ອນຮັບຄະນະນັກກິລາ
ທີ່ສຳເລັດການເຂົ້າຮ່ວມແຂ່ງຂັນກິລາທີ່ແຂວງເຊກອງເປັນເຈົ້າພາບ
ໃນວັນທີ 27 ທັນວາ 2023 ຜ່ານມານີ້, ກອງພົນທີ 5 ຕ້ອນຮັບຄະນະນັກກິລາ ທີ່ສຳເລັດການເຂົ້າຮ່ວມແຂ່ງຂັ້ນກິລາ
ມວນຊົນ ແລະ ກິລາການທະຫານ ທີ່ແຂວງເຊກອງເປັນເຈົ້າພາບ, ໂດຍການຕ້ອນຮັບຂອງ ສະຫາຍ ພັນເອກ ຄຳກົດ ອິນສີນາ
ກໍາມະການຄະນະປະຈຳພັກ ຫົວໜ້າຫ້ອງການເມືອງກອງພົນທີ 5 ພ້ອມດ້ວຍອົງການຈັດຕັ້ງມະຫາຊົນຊາວໜຸ່ມແມ່ຍິງໃຫ້
ກຽດຕ້ອນຮັບ. ໃນການຕ້ອນຮັບຄັ້ງນີ້, ເພື່ອເປັນການສະແດງເຖິງຄວາມຍ້ອງຍໍຊົມເຊີຍຕໍ່ຄະນະນັກກິລາທີ່ສາມາດເຮັດສຳເລັດ
ໜ້າທີ່ ທີ່ການຈັດຕັ້ງຂັ້ນເທິງມອບໝາຍໃຫ້.
ສະຫາຍ ພັນໂທ ບຸນນຳ ສີຈັນທອນ ຮອງຫົວໜ້າຫ້ອງເສນາທິການ ກອງພົນທີ 5 ຫົວໜ້າຄະນະນັກກິລາ ໃຫ້ຮູ້ວ່າ: ພາຍ
ຫຼັງໄດ້ຮັບການຄຳສັ່ງຂອງຜູ້ບັນຊາກອງພົນທີ 5 ກໍຄືແຈ້ງການຂອງກົມກອງໃຫຍ່ເສນາທິການກອງທັບ ວ່າດ້ວຍການເຂົ້າຮ່ວມ
ກິລາມວນຊົນ-ກິລາ ການທະຫານ ທີ່ແຂວງເຊກອງເປັນເຈົ້າພາບຄະນະພັກ-ຄະນະບັນຊາ ກໍໄດ້ຮຽກເອີ້ນເອົານັກກິລາແຕ່ລະປະ
ເພດ ເຂົ້າຮ່ວມເຝິກຊ້ອມໃນໄລຍະເວລາ 2 ເດືອນກວ່າເຫັນວ່ານັກກິລາມີຄວາມກະຕື້ລືລົ້ນເຝິກຊ້ອມດ້ວຍຄວາມຫ້າວຫັນ ແລະ
ຮັກສາໄດ້ຄວາມສາມັກຄີລະຫວ່າງຄູເຝິກກັບນັກກິລາເປັນຢ່າງດີ ກິລາທີ່ກອງພົນທີ 5 ນຳເຂົ້າແຂ່ງຂັນໃນຄັ້ງນີ້ລວມມີ 15 ລາຍ
ການຄື: ກິລາມວນຊົນ ມີ 5 ລາຍການ, ກິລາການທະຫານ ມີ 4 ລາຍການ ແລະ ກິລາຍີງປືນ 6 ລາຍການ. ຜ່ານການແຂ່ງຂັນ
ແລະ ລົງ ສະໜາມຕົວຈິງ ກອງພົນທີ 5 ສາມາດຍາດໄດ້ 4 ຂັນ 8 ລາງວັນ ໃນນີ້, ກິລາບານສົ່ງຊາຍໄດ້ອັນດັບທີ I, ກິລາບານສົ່ງ
ຍິງ ໄດ້ອັນດັບທີ I, ກິລາກະຕໍ້ໄດ້ດັບດັບທີ I, ກິລາຍິງປືນເດກາ ໄດ້ອັນດັບທີ I, ກິລາບານເຕະຊາຍ ໄດ້ອັນດັບທີ II, ກິລານັກຮົບ
ແຂງແຮງທີມ ໄດ້ອັນດັບທີ II, 3 ວິຊາການທະຫານສົມທົບໄດ້ທີ II. ກິລານັກຮົບແຂງແຮງໄດ້ທີ III, ກິລາຍິງປືນແອັດສະແບແດ
ໄດ້ທີ III, ກິລາຍິງປືນແອເລີເປກາໄດ້ອັນດັບທີ III, ນັກຮົບແຂງແຮງບຸກຄົນໄດ້ທີ III.
ແຫຼ່ງທີ່ມາ: ແສງອາທິດ ສີດາໄລ
ວັນທີ 02/01/2024